Müəllif: Əbu Muaz Seyfullah
Tərcümə: Darul İttiba
Əbu Abdurrahman b.
Əbiz Zinad rahiməhullah (vəfatı 174 hicri) belədemişdir;
“Özlərini
gördüyümüz, insanların ən xeyirlilərindən olan fəzilət və fiqh əhli, cədəl əhlini, incə ələyib sıx toxuyanları və şəxsi görüşlərə
tutunanları şiddətlə qınayardılar, bizə onlarla görüşməkdən və yanlarına
oturmaqdan qadağan edər, onlara yaxın olmaqdan ən şiddətli bir şəkildə çəkindirərdilər.
Bizə onların sapıqlıq əhli olduğunu, Allahın kitabını və Rasulu sallallahu
aleyhi va səlləmin sünnətini təhrif etdiklərini xəbər verirdilər. Rasulullah səllallahu
aleyhi va səlləm çox sual verməyi və məsələlərin xırdalıqlarını araşdırmağı məkruh
etmədikcə və bundan çəkindirmədikcə vəfat etmədi. Bir çox yerdə müsəlmanları
bundan çəkindirmiş və bunun çirkinliyini bildirərək belə buyurmuşdur; “Sizi
buraxdığım müddətcə siz də məni buraxın. Çünki sizdən öncəkilər çox sual vermələri
və nəbilərinə müxalifət etmələri səbəbiylə həlak oldular. Siə bir şeyi qadağan
etdiyimdə ondan dərhal çəkinin. Sizə bir şeyi əmr etdiyimdə isə onu gücünüz
yetdiyi qədər yerinə yetirin.”
[ İbn Batta, əl İbanə (187)]
Abdurrahman b. Amr əl
Əvzai rahiməhullah (vəfatı 157 hicri) belə demişdir;
“Allahdan çəkinin və
nəsihət edənlərin nəsihətinə, öyüd verənlərin öyüdünə yönəlin, ey müsəlmanlar
camaatı! Bunu yaxşı bilin ki, bu elm bir dindir. Nə etdiyinizə diqqət edin! Bu
dini kimdən aldığınıza, dininiz xüsusunda kimlərə inanaraq uyduğunuza baxın!
Çünki bidət əhlinin hamısı batil əhlidir, yalançı, iftiraçı, günahkar kimsələrdir.
Çəkinib utanmaz, haqlara riayət etməzlər. Onlardan eşitdiyiniz şeylərdə təhrif
etmələrindən əmanda olunmaz. Nəyi inkar etdiklərini bilmədən danışarlar və
iftiralarını düzgün göstərərlər. Şübhəsiz ki, Allah onların etdiklərini əhatə
etmişdir. Onlara qarşı daima çəkinmə üzrə olun, onları daim ittiham edin və
onlardan ayrılaraq uzaq durun! Çünki əvvəlki alimləriniz və sonrakı alimlərdən
saleh olanlar eyni şəkildə bunu edər və bunu əmr edərdilər. Onlara hörmət göstərərək
Allaha qarşı baş qaldıran, Onun dinini yıxan, bu dinin sağlam qulplarını əksildən
yüngül kimsələrdən olmaqdan, daha da pisi; onlardan din öyrənib, onları təsdiq
edərək uyan, onlara sevgi bəsləyən, həvalarına uymada onlara yardım edən kimsələr
olmaqdan çəkinin! Onlara sevgi göstərənlər səbəbiylə zəif müsəlmanlar onların
görüşlərinə meyl edərlər, onların dinlərinə uyarlar. Bu da etdikləri əməllərdə
onlara ortaq olmaq baxımından yetər!”
[Əl İbanə (184)]
Hiç yorum yok:
Yorum Gönder