Yazı sahibi: Əbu Muaz Seyfullah
Tərcümə: Darul İttiba
Örtülü olsalar belə, arada pərdə olmadan
kişinin qadınlara dərs verməsi caiz deyildir;
Elmi araşdırmalar və
fətva komissiyasına 11.3.1416 tarixində 1202 №lu fətvada belə soruşuldu;
“Müəllimin qız tələbələrə aralarında pərdə olmadan bir birilərini
gördükləri halda elm öyrətməsi caizdirmi? Çünki qızların üzləri örtülü olduğu
üçün əsasən onların üzlərini görməməkdədir. Belə bir məktəbə getmək və üzünü
görməyəcəksə, arada pərdə olmadan onunla danışmaq caizdirmi? Qadın, məktəbdə
stulda oturan müəllimlə dərslərlə bağlı məsələləri və başqa şeyləri, yanlarında
məhrəm bir kimsə olmadan danışa bilərmi? Yaxud müəllim onların dərslərlə bağlı suallarına və başqa
suallarına cavab verə bilərmi? Bunun telefon vasitəsiylə edilməsinə imkan
olduğu da bilinməkdədir. Bəzi müəllimlər gəncdir və ya orta yaşların
başlarındadır. Qəz tələbələr isə əsasən gənc və uşaqlardır.”
Cavab: Fətva
komissiyası araşdırma nəticəsində bu cavabları vermişdir;
Birincisi; Kişilərlə
qadınlar arasında məktəblərdə və ya
başqa yerlərdə bir yerdə olmaları əzəmətli münkərlərdən və din və dünya
haqqında böyük pisliklərdəndir. Qadının, kişilərlə qadınların qarışıq olduğu məktəb
və iş yerlərində olması caiz deyildir. Bu qadının vəlilərinə də ona bu mövzuda
icazə vermələri caiz deyildir.
İkincisi; Kişinin,
örtülü olmayan bir qadına elm öyrətməsi caiz deyildir. Şəri təsəttürlə örtülü olsa
da onunla xəlvətdə qalması caiz deyildir. Qadın, yad kişilərin yanında tamamilə
övrətdir. Amma başı örtüb, üzü açıq qoymaq tam bir örtünmə deyildir.
Üçüncüsü; Kişilərin,
qadınlara məxsus xüsusi bir məktəbdə, kişi tələbələrlə qız tələbələrin, kişi müəllimlərlə
qız tələbələrin arasında qarışıb ünsiyyət qurma yoxdursa, pərdə arxasından dərs
verməsində problem yoxdur. Əgər qız tələbələr bir şey soruşmaq ehtiyacı
duyarlarsa, bağlı/pərdəli pəncərədən soruşmalıdırlar. Yaxud telefon yoluyla
soruşarlar. Lakin qız tələbələrin yumşaq danışmaqdan və sözü gğzəlləşdirib
kübar danışmaqdan çəkinmələri lazımdır.” [Fətaval Ləcnətid
Daimə (12/155-157)]
Pərdə arxasından olmadıqca kişinin qadınlara
dərs verməsi caiz deyildir!
Sual: “Burada çərkəzlərdən və başqa irqlərdən müsəlmanlar
var. Allaha həmd olsun, onların qadınlarına din məsələlər haqqında dərs vermək
üçün gün təhsis etmək nəsib oldu. Gənc qızlara xüsusilə yetkinlik yaşına çatmış
olanlarına dərs vermək caizdirmi? Şərtləri nədir?”
Cavab: Kişilərin örtülü
qadınlara elm öyrətməsi, şəri təsəttür ilə örtülü olsalar belə, elm öyrətmək
üçün onlarla xəlvətdə qalması caiz deyildir. Qadın, yad kişi yanında tamamilə
övrətdir. Başı örtüb üzü açıq saxlamaq isə tam örtünmə deyildir.
Lakin qadının pərdə
arxasından, qadınlara məxsus məktəbdə, kişi tələbələrlə qız tələbələrin bir
yerdə olmadıqları və kişi müəllimin qız tələbələrlə qaynayıb-qarışmadığı məkanlarda
elm öyrənməsində sıxıntı yoxdur. [Fətəval Ləcnətid Daimə
(12/157-159)]
Qız-oğlan qarışıq məktəblərdə oxumaq və işləmək
caiz deyildir!
Sual: Litsey çağındakı qız tələbələrə dərs verilən bir məktəbdə
bir müəllimin işləməsi haqqında İslamın hökmü nədir?”
Cavab: Bu caiz deyildir,
çünki bu özünü fitnəyə atmaqdır. [Fətəval Ləcnətid Daimə
(12/151)]
Qız-oğlan qarışıq məktəblərdə müəllimlik etmək
caiz deyildir!
Sual: Mən təxminən bir ildir saqqal
buraxmış bir gəncəm. Gücüm yetdiyincə itaət etməyə və qadağalardan uzaq durmağa
çalışıram. İş axtarmaq xüsusunda çətin bir problemlə qarşılaşdım. Qızlara dərs
verilən bir məktəbdə müəllimlik işi tapdım. Bu işdə işləməyə davam etməyim
caizdirmi və bu işdən bu ana qədər qazandığım malın hökmünü öyrənmək istəyirəm.”
Cavab: “Birincisi;
İnsanın litsey çağındakı qızlara dərs vermə işində işləməsi, arada bir pərdə
olmadan dərs verdiyi üçün sual sahibinin ölkəsində bilindiyi üzrə qızların təbərrüc
etdiyindən və gözəlliklərini açdıqlarından, bunun haram oluşunda ağıl sahibi
bir kimsə şübhə etməz. Çünki bunun həm kişi üçün, həm də qadın üçün pis nəticələri
və açıq pislikləri vardır. Əl Ləcnətid Daimənin (12/149) fətvasında belə gəlmişdir;
“Kişinin arada pərdə olmadan qızlara dərs verməsi caiz deyildir. Çünki bunda
böyük təhlükələr və vahiməli nəticələr vardır.”
İkincisi; Bu iş
qarşılığında qazanılan malı istifadə edib faydalanmaqda sıxıntı yoxdur. Çünki
aldığın bu pul, əslən mübah olan dərs vermə qarşılığında alınmış puldur. Bu işdəki
haramlıq isə (əsli deyil) arızi/səbəbdən dolayıdır.
Lakin sənə fərz
olan, bir an əvvəl bu işi tərk edib, haram və fitnəyə düşməkdən salamatda
qalacağın başqa bir iş axtarmaqdır.” [Şeyx Muhəmməd
Saleh əl Münəccid nəzarətində İslam-qa fətvaları №: 79549]
Oğlan-qız qarışıq məktəblərdən başqasını tapa bilməyən və oxumağa möhtac
olan nə edər?
Şex İbn Useyminə
qız-oğlan qarışıq olmayan bir məktəb tapa bilməyən gənc haqqında sual verildi.
Belə cavab verdi;
“Sənin bu halda olmayan bir məktəb axtarmağın lazımdır. Əgər
bu halda olandan başqa məktəb tapa bilməsən və oxumağa möhtacsansa, dərs al. Gücün
yetdiyincə çirkinliklərdən, fitnədən uzaq dur, gözünü yum, dilini mühafizə et,
qadınlarla danışma və onların yanına getmə.” [Fətava
Nurun aləd Dərb (1/103, 13/127)]
Hiç yorum yok:
Yorum Gönder