Müəllif: Əbu Muaz Seyfullah
Tərcümə: Darul İttiba
Şübhə: “Qadınların iffətləri örtüklərində və kişilərlə
qarışmaqdan uzaq durmalarında deyil, nəfslərindədir.”
Cavab: Şübhə yoxdur ki, qadınların iffətləri təkcə
nəfslərində deyil, birbaşa geyimlərində və qadın kişi qarışıqlığından uzaq
durmalarındadır. Təsəttür haqqında başıboşluq iffətləri ləkələyər.
Qadın, təsirlənməyən
cansız bir varlıq deyil. Tam tərsi, qadın zəifdir və dəyişikliyə qarşı sürətlidir.
Qadın və kişilərin bir birinə qarışması səbəbiylə tesirlənməsindən əmin
olunmaz. İmanı qüvvətli olsa belə, o məsumə deyildir. Necə ki, Allah Azzə və Cəllə
belə buyurur;
“Bunu yaxşı bilin ki, Allah insan ilə onun qəlbi arasına girər.”
Hal beləykən, bəs
qadın və kişi qaynaşmasının və imanları zəif olanların çox olduğu hallar necə
olar?
Kişilər qadınları cəzb
etdiyi kimi, qadın da kişiləri cəzb edir. Necə ki, Yusif aleyhissələmi görən
qadınlar ondan təsirlənmişlər və fitnəyə düşmüşdülər. Yusif aleyhissələm belə
demişdi;
“Ey Rəbbim! Mənim üçün zindan bunların məni
sövq etdikləri işi görməkdən daha xoşdur. Əgər bu qadınların hiyləsini məndən
uzaq etməsən mən onlara meyl edər və cahillərdən olaram” {Yusif 33}
Rasulullah səllallahu
aleyhi va səlləm də belə buyurmuşdur; “Biriniz bir qadın gördüyü zaman öz
xanımının yanına getsin. Çünki bu, nəfsində olan şeyi yox edəcəkdir.” {Muslim (1403) Cabir radiyallahu anhdan rəvayət etmişdir.}
Bəs kişi sevdiyi
qadına, qadın da sevdiyi kişiyə buraxılsa
hal necə olar? O ikisi gün keçdikcə bir biriylə ünsiyyətə davam edərsə
aralarındakı rəğbət artıb müsibətləri böyüməzmi?
Bəs əgər qadının (təkcə
nəfsi) iffətiylə qalmağa davam etdiyini düşünsək, ac qurdlardan onu kim
qoruyacaq? Hilələrdən və şeytanı addımlardan necə salamatda qalacaq?
İslam, kişilərlə
qadınlar arasındakı qarışmağı, ünsiyyəti haram edərkən, qadının iffətli olanı
ilə olmayanı arasında fərq qoymamışdır. Allah Azzə və Cəllə belə buyurur;
“Allah və Onun Elçisi
bir işə hökm verdiyi zaman heç bir mömin kişi və mömin qadın öz işlərində istədikləri
qərarı verə bilməzlər. Allaha və Onun Elçisinə asi olan kəs, əlbəttə ki,
açıq-aydın azğınlığa düşmüşdür.” {Əhzab 36}
“Qoy onun əmrinə
qarşı çıxanlar başlarına bir bəla gəlməsindən, yaxud özlərinə ağrılı-acılı bir əzab
üz verməsindən qorxsunlar.” {Nur 63}
Hiç yorum yok:
Yorum Gönder