Ey iman gətirənlər! Allaha və Elçisinə itaət edin, həm də özünüzdən olan rəhbərlərə şəriətə uyğun şəkildə itaət edin. Əgər bir şey haqqında mübahisə etsəniz, Allaha və Axirət gününə inanırsınızsa, Allaha və Onun Elçisinə müraciət edin. Bu, sizin üçün daha xeyirli və nəticə etibarilə daha yaxşıdır. Ən-Nisa 59
14 Kasım 2016 Pazartesi
Qızıl Nəsihətlər!
Əli ibn Əbu Talibin oğlu Hüseynə (radiyallahu anhuma) nəsihəti:
- Oğlum, bil ki, Cənnətdə heç bir pislik, Cəhənnəmdə isə heç bir xeyir yoxdur. Cənnətdən başqa hər bir nemət, Cəhənnəm odundan başqa da hər bəla bir heç kimidir.
- Oğlum, bil ki, öz eyiblərini görən şəxs, heç zaman başqasında eyb tutmaz.
- Oğlum, Allahın ona böldüyü payla razılaşan şəxs heç zaman itirdiyi bir şeyə görə təəssüflənməz.
- Oğlum, öz səhvlərini unudan şəxs başqalarının səhvlərini böyüdər.
- Oğlum, özünü bəyənən kəs yolunu azar, ağlını hamıdan yüksək tutan alçalar, başqalarını səfeh sayan söyülər, alçaqlara qarışan rəzil olar.
- Oğlum, həsədi tərk et ki, səni sevsinlər.
- Oğlum, möminin izzəti insanlardan heç bir şey istəməməyindədir. Aza qane olmaq tükənməz bir sərvətdir.
- Oğlum, bil ki, zikr nurdur, qəflət zülmətdir. Cahillik zəlalətdir. Ən xeyirli miras isə ƏDƏBDİR.
- Oğlum, qohumluq əlaqələrini kəsməklə irəli getmək, pislik etməklə də varlanmaq olmaz.
- Oğlum, elmin zirvəsi MÜLAYİM olmaqdır.
- Oğlum, İslamdan daha şərəfli, təqvadan daha ülvi, tövbədən daha şəfqətli, iffətdən daha gözəl libas yoxdur.
- Oğlum, elmini ve əməlini, sevgisini ve nifrətini, alış-verişini, danışığını ve sükutunu yalnız Allah üçün edən kimsəyə Cənnət vacib olar.
{Əl-Bidəyə vən-Nihəyə, 7/328-329}
Kaydol:
Kayıt Yorumları (Atom)
Hiç yorum yok:
Yorum Gönder