Müəllif: Əbu Muaz Seyfullah
Tərcümə: Darul İttiba
"...Mömin qadınlara de ki, gözlərini haram buyurulmuş
şeylərdən çevirsinlər, ayıb yerlərini qorusunlar; öz-özlüyündə görünən istisna
olmaqla, zinətlərini göstərməsinlər; baş
örtüklərini yaxalarının üstünə çəksinlər; zinət yerlərini ərlərindən, yaxud öz
atalarından, yaxud ərlərinin atalarından (qaynatalarından), yaxud öz
oğullarından, yaxud ərlərinin oğullarından, yaxud öz qardaşlarından, yaxud
qardaşlarının oğullarından, yaxud bacılarının oğullarından, yaxud özlərindən
olan qadınlarndan, yaxud sahib olduqları
cariyələrdən, yaxud kişiliyi qalmamış xidmətçilərdən, yaxud qadınların məhrəm
yerlərini hələ anlamayan uşaqlardan başqasına göstərməsinlər; gizlətdikləri bəzək
şeylərini göstərmək üçün ayaqlarını yerə vurmasınlar. Ey möminlər! Hamınız
allaha tövbə edin ki, nicat tapasınız!."
{Nur 31}
Bu ayədə Allah Azzə
və Cəllə, qadının üz örtüyünü açıb zinətlərini göstərə biləcəyi kəsləri saymış,
ancaq qadının əmi və dayısını zikr etməmişdir. Bu ayəyə əsasən qadın, əmisi və
dayısının yanında örtüyünü çıxara bilməz, ev içindəki paltarıyla əmi və
dayısının yanına çıxa bilməz, üzünü aça bilməz. Bu açıqlamama cumhurun müxalifət
etməsi ancaq dində heç bir hüccət dəyəri
olmayan müqayisə yoluyladır. Belə ki:
Birinci Etiraz:
"Allah Azzə və
Cəllə Nisa surəsi 23-cü ayəsində əmi və
dayını qadına məhrəm olaraq zikr etmiş, nigahını haram etmişdir. Allah Azzə və
cəllə belə buyurmuşdur:
"Sizə
analarınız, qızlarınız, bacılarınız, bibiləriniz, xalalarınız, qardaş və bacılarınızın qızları, süd analarınız, süd bacılarınız, arvadlarınızın anaları və yaxınlıq etdiyin
qadınlarınızın himayənizdə olan qızları ilə evlənmək haram edildi. Cinsi əlaqədə
olmadığınız qadınlarınızın qızları ilə evlənməkdə isə sizin üçün günah yoxdur.
Öz belinizdən gələn oğullarınızın arvadları ilə evlənmək və iki bacını birlikdə
almaq da sizə haramdır." (Nisa 23)
Bu ayədə qardaş qızları və bacı qızları zikr
edilmək surətiylə, qadının əmisi və dayısıyla nikahı haram edilmişdir."
Cumhur, qadının əmi
və dayısını, digər məhrəmlərə müqayisə edərək: "Digər məhrəmlərinin
yanında qadın zinətlərini göstərə bildiyinə görə əmisinin və dayısının yanında
da zinətlərini göstərə bilər, üzünü və əlini aça bilər" demişlər.
Birinci Etirazın Cavabı:
Qohumun məhrəm
olması və nigahının haram olması, qadının onun yanında zinətlərini göstərə biləcəyi
mənasını gəlməz. Necə ki Allah Azzə və Cəllə, qadının zinətini göstərə biləcəyi
kəsləri Nur surəsi 31-ci ayəsində tək-tək saymışdır. Rəbbin unutqan deyildir!
Allah Azzə və Cəllə qısaca: "qadın, məhrəmləri yanında zinətini göstərə
bilər" deyə bilərdi. Lakin belə deməmiş, tək-tək saymışdır. Üstəlik sayılanlar arasında qadının əmisi və dayısı yoxdur. Nassın sərahəti,
qiyası ləğv etməkdədir!
Digər tərəfdən,
görməzsinizmi ki, qadına qaynı ilə evlənməsi, əriylə nikahı davam etdiyi müddətcə
haramdır. Bununla birlikdə, qadının qaynına zinətini göstərməsinin haram olması
bir tərəfə, hətta yanına girməsi də haram edilmişdir. Bu da qiyasınızı ləğv etməkdədir.
İkinci
Etiraz:
Buxari və Muslim, Aişə
radıyallahu anhadan rəvayət edirlər: "Süd əmisi Əflah hicabın nüzulundan
sonra Aişə radıyallahu anhanın yanına girmək üzrə icazə istəmək üçün gəldiyində
Nəbi sallallahu əleyhi və səlləm əmisinin girməsinə icazə verənə qədər, o da ona icazə vermədi. " [Səhih. Buxari (5103);
Muslim]
Nəbi sallallahu əleyhi və selləmin,
Əflahın Aişə radıyallahu anhanın yanına girməsinə icazə verməsinin səbəbi, Əflahın
onun süd əmisi olmasıdır. Bu da göstərir ki, qadının yanına əmisi və dayısı girə
bilər.
İkinci Etiraza Cavab:
Biz buna etiraz
etmərik. Qadının yanına əmisi və süd əmisi girə bilər. Ancaq bu rəvayətdə
qadının, əmisinin yanında ev içindəki paltarlarıyla gəzə biləcəyinə və ya üzünü
aça biləcəyinə dair bir dəlalət yoxdur. Bu halda, Nur surəsi 31-ci
ayəsində əmr edilən xüsus hələ də qüvvəsindədir.
Qadının əmisi və ya süd əmisi, qadının məhrəmi olduğu üçün onun yanına girə bilər.
Əgər naməhrəmi olsaydı və qadın tam təsəttür halında olsaydı belə, yanına girə bilməzdi. Çünki
bir-birlərinə naməhrəm olan kişi və
qadınlar, bir-birlərini görmələrini maneə törədən bir pərdə və ya divar
arxasına keçməklə əmr olunmuşdurlar. Bu naslarda olduqca açıq dəlillərlə qeyd
olunan bir haldır. Bu dəlillərin bir qisimini həya təminatı (Azərbaycan dilində
pdf olaraq tərcüməsi inşəAllah tezliklə
çıxacaq) adlı kitabımda zikr etdim və
etiraz edənlərin şübhələrinə cavab verdim. Bu dəlillərdən sonra hələ də bu
mövzuda müxalif çıxanlar ancaq inadçı və ürəklərində əyrilik olan kəslərdir.
Xülasə, zikr edilən
bu rəvayətdən aydın olur ki, qadına yad olan kişilər, qadın təsəttürlü olsa belə
onun yanına girə bilməzlər. Əmisi və süd əmisi kimi məhrəmləri isə, qadın təsəttürlü
olması halında, onun yanına girə bilərlər.
Üçüncü
Etiraz:
"Sən bu sözlərinlə sələfin dilə gətirmədikləri yeni bir
görüş ortaya atmış olursan. Beləcə, ya
icmaya müxalif çıxırsan, ya da cumhura
müxalif çıxaraq şaz qalırsan"
Üçüncü Etiraza Cavab:
Bu görüş Allaha həmd
olsun, sələfin dilə gətirmədikləri bir
görüş deyildir. Tabiinin təfsirdə imam olan alimlərindən Şa'bi və İkrimə bunu ifadə etmişlər.
Tabiin müfəssirlərindən
Şa'bi və İkrimə (Nur surəsi 31-ci ayəsində)
belə demişlərdir:
"Əmi və dayı
bu ayədə (qadının zinətini göstərə biləcəyi kəslər arasında) zikr edilməmişdir.
Qadın əmi və dayısının yanında üz örtüyünü aça bilməz." [ Səhih məktu. İbni Əbi
Şeybə (4/13) ; Əhməd, Əhkamun Nisa (31); Durrul Mənsur (7/287); Qurtubi (12/233); İbnu'l-Cövzi
Zadu'l Məsir (6/418); Fəthu'l Bari
(8/532); İbn Kəsir, Təfsir (6/456)]
İbn Kəsir və ondan sonra Cəmaluddin əl-Qasimi
də təfsirlərində bunu zikr etmişlər. Bu rəvayətlər bu mövzuda icma olmadığını
göstərməkdədir. Hətta söylədiyimizin əksinə, kitab və sünnədən dəlil olmadığı kimi, nə səhabədən,
nə də təbiindən, Şa'bi və İkrimənin sözlərinə müxalif bir söz də bilinməməkdədir.
Əksinə Nur surəsi 31-ci ayəsi bu mövzuda açıq bir dəlildir. Vəziyyət
belə olduğuna görə şazlıqdan söz edilə bilməz.
Çünki şazlıq ancaq dəlilə müxalifətdir. Bu məsələdə ortada şaz görüş varsa, bu
da cumhurun nassa zidd olan görüşüdür. Həmd və minnət Allahadır.
Hiç yorum yok:
Yorum Gönder