Müəllif:
Əbu Muaz Seyfullah Ərdoğmuş
Tərcümə:
Darul İttiba
Allahu Təala belə buyurmuşdur; "Əgər sən
yer üzündə olanların əksəriyyətinə itaət etsən, onlar səni Allah yolundan
azdırarlar." [Ənam 116]
Allahu Təala, tək başına olmasına baxmayaraq
İbrahim əleyhissələmi haqq deyə adlandırmışdır;"Həqiqətən, İbrahim Allaha
müti, hənif bir rəhbər idi. O, müşriklərdən deyildi." {Nəhl 120}
İbn Abbas radiyallahu anhuma, Nəbi Səllallahu
aleyhi va səlləmdən belə dediyini rəvayət etmişdir;"Ümmətlər mənə göstərildi.
Yanında böyük bir qaraltı olan peyğəmbər gördüm. Yanında bir və ya iki nəfər
olan peyğəmbər də gördüm. Yenə yanında heç kimin olmadığı peyğəmbər də
vardı."
[Səhih. Buxari (5378); Muslim (220) ]
Əbu
Hureyrə radiyallahu anh belə demişdir;"Muhacir qardaşlarımızı bazarlarda
ticarət məşğul etdi. Ənsardan qardaşlarımızı da malları üçün işləmələri məşğul
etdi. Lakin Əbu Hureyrə qarın toxluğuna, Rasulullah səllallahu aleyhi va səlləmin
yanından ayrılmadı. Onların olmadığı yerlərdə oldu və onların əzbərləyə bilmədiklərini
əzbərlədi."
[Səhih. Buxari (118) ]
Əbu Hureyrə radiyallahu anhın bu sözü söyləməsinin
səbəbi, ona :"Sən heç kimin eşitmədiyi hədislər rəvayət edirsən, yəni
cumhura müxalifət edirsən." demələri idi.
Amr b. Meymun belə dedi;"Abdullah b. Məsuda
:"Camaata qarşı nə edəcəyik?" deyilincə mənə belə dedi;"Ey Amr
b. Meymun! Camaatın çoxu camaatdan ayrılmışdır. Camaat, tək başına olsan belə,
ancaq Allahın itaətinə uyandır (digər rəvayətdə;"Tək başına belə olsan
camaat, Kitab və Sünnətdir." dedi)"
[Səhih
mövquf. Əl Ləlkai, Usulu Etiqadi Əhlis Sunnə (1/108); İbn Asakir , Tarixu Dıməşq
(46/406); Əbu Şamə əl Məqdisi, əl Bəis (s. 22); Mizzi, Təhzibul Kəmal (22/264);
Xatib əl Bağdadi, əl Fəqih val Mutəfəqqih (1171) ]
İshaq b. Rahuya dedi ki;"Cahillərə səvadul
azam (böyük qaraltı) nədir deyə sual versən, "İnsanlar camaatıdır."
deyərlər. Bilməzlər ki, camaat , Nəbi Səllallahu aleyhi va səlləmin izinə və
yoluna sarılan alimdir. Onunla bərabər olub, ona uyan camaatdır. Ona müxalifət
edən isə camaatı tərk etmişdir."
[ Səhih məqtu. Əbu Nuaym, Hilyətul Övliya (9/239); Şatibi, əl
İtisam (2/28) ]
İbn Hazm belə demişdir;"Bir kimsədə
çoxluğun əlində olmayan sünnətlər ola bilər. Onun yanında başqalarında olmayan
bir sünnət var və o kimsə buna görə fətva verirsə, çoxluğa zidd belə olsa isabətlidir."
[ Əl İhkam (1/599) ]
İbn Qeyyim belə deyir :" Camaata
sarılmağı əmr edən hədisdə qəsd edilən haqqa sarılmaq və ona təməssuq edənlər
az, müxalifləri çox olsa belə tabe olmaya davam etməkdir. Çünki, haqq, ilk
camaat olan Peyğəmbər Səllallahu aleyhi va səlləmin zamanında üzərində olunan
şeydir. Bidət əhlinin və sonrakıların çox oluşuna baxılmaz."
[ İgasətul Ləhfan (1/69) ]
Allamə Sıddıq Həsən Xan əl Kannuci rahiməhullah
belə demişdir; "Bunu yaxşı bil ki çoxluğun səhih hədisə müxalifət etməsi
onunla əməl etməyə zərər verməz. Çünki çoxluğun görüşü hüccət deyildir." [Qasımi, Qavaidut Təhdis (s. 91) ]
Əl Əlbani rahiməhullah belə
demişdir;"Allaha həmd olsun, biz haqqı, insanlardan söyləyənlərin çoxluğu
ilə bilənlərdən deyilik. Haqq insanlarla bilinməz, ancaq insanlar haqq sayəsində
bilinər."
[ Silsilətus
Səhiha (5/420) ]
Hiç yorum yok:
Yorum Gönder