Yazı sahibi: Əbu Muaz Seyfullah
Tərcümə: Darul İttiba
Şeyx Abdulhamid əl
Hacuri hafazahullah, Şeyx Muqbil rahiməhullahın bioqrafiyasını yazdığı əsərində,
“Tövhidul Mutabəət” başlığı altında belə
demişdir;
“Allah, xalqı
yaratmış, onlara özünə itaət etmələrini əmr etmiş, üsyan etmələrini qadağan
etmiş, insanlara göndərdiyi rasullar vasitəsiylə onlara yolu açıqlamış və
aydınlatmışdır;
“Biz müjdə verən və
qorxudan elçilər göndərdik ki, insanların elçilərdən sonra Allaha qarşı bir bəhanəsi
olmasın. Allah Qüdrətlidir, Müdrikdir.” {Nisa 165}
“Biz hər ümmətə:
“Allaha ibadət edin, tağutdan uzaq olun”– deyə, elçi göndərdik.” {Nəhl 36}
Onlar da Allahın fərz
etdiyi şeyi yerinə yetirmişlər və dini təbliğ etmişlər. Allah onların hamısına
salavat etsin. sonra dində bidətlər və ayrılmalar meydana gəlmişdir. Nəbi səllallahu
aleyhi va səlləm bu hədisində bundan çəkindirmişdir; “Bu ümmət yetmiş üç firqəyə
ayrılacaq, biri xaricində hamısı atəşdə olacaqdır.”
Şeyx Muqbil rahiməhullah
gəldiyində ayrılıq və parçalanma son həddinə çatmışdı. O, Allahın ona vacib
etdiyi dəvət, təhsil və təlifi etmiş, İslama mənsub bir çox kimsənin zay etdiyi
bu tövhidlə məşğul olmuşdur. Bu, Nəbi səllallahu aleyhi va səlləmə ittiba
tövhididir. Bilindiyi kimi ittiba tövhidi, əməllərin qəbulunda şərtdir. Hər
hansı bir əməlin qəbul edilməsi üçün o əməlin Allaha xalis olması və Rasulullah
səllallahu aleyhi va səlləmə ittiba edilərək işlənməsi şərtdir.
İttiba; Allahın yolu sayılır. Necə
ki, Abdullah b. Məsud radiyallahu anhın rəvayət etdiyi hədisdə, Rasulullah səllallahu
aleyhi va səlləm bir xətt çəkmiş, sonra bu xəttin yanına başqa xətlər də çəkmişdir.
Sonra ilk xətt üçün; “Bu Allahın yoludur.” deyib ona dəvət etmiş, digər xətlər
üçün də; “Bunlar, hər biri şeytanın dəvət etdiyi yollardır.” buyurmuş və bu ayəni
oxumuşdur;
“Bu, Mənim doğru
yolumdur, onu tutub gedin. Başqa yollara uymayın. Çünki, o yollar sizi Allahın
yolundan uzaqlaşdırar. Allah bunları sizə tövsiyə etmişdir ki, bəlkə pis əməllərdən
çəkinəsiniz.” {Ənam 153}
Allah Təalanı sevmənin
əlaməti və Allahın günahları bağışlamasının səbəbi ittiba tövhididir. Çünki
allah Təala belə buyurmuşdur;
“De: “Əgər siz Allahı sevirsinizsə, mənim ardımca
gəlin ki, Allah da sizi sevsin və günahlarınızı bağışlasın. Allah
Bağışlayandır, Rəhmlidir” {Ali İmran 31}
Bu, eyni zamanda cənnətə
girmə səbəblərindəndir: Rasulullah səllallahu aleyhi va səlləm belə
buyurmuşdur; “Üz çevirənlər xaricində bütün ümmətim cənnətə girər.” Dedilər ki;
“Üz çevirən kimdir ey Allahın Rasulu?” Rasulullah səllallahu aleyhi va səlləm
belə buyurdu; “Mənə itaət edən Cənnətə girər, mənə üsyan edən də üz
çevirmişdir.” Bunu Buxari, Əbu Hureyrə radiyallahu anhdan rəvayət etmişdir.
Rasulullah səllallahu
aleyhi va səlləmə ittiba, ibadətlərdə asanlıqdır. Necə ki, Rasulullah səllallahu
aleyhi va səlləm belə buyurmuşdur; “Sizə əmr etdiyim şeyləri gücünüz yetdiyi qədəriylə
yerinə yetirin.” Buxari və Muslim Əbu Hureyrə
radiyallahu anhdan rəvayət etmişdir.
Bunu əmr edən ayə və
hədislər lap çoxdur. Bu zikr edilənlər ancaq təmbeh üçündür.
Yenə Allah Azzə və
Cəllə, Şeyx Muqbil vəsiləsiylə ittiba yolunu əhya etmiş, təqlid və bidətçilik
yolunu söndürmüşdür. Şeyx Muqbil rahiməhullah, “İcabətus
Sail” kitabında (327) belə demişdir;
“Təqlid rasullara
ittiba yolundan ümmətləri uzaqlaşdıran şeydir. Yenə təqlid, Muhəmməd səllallahu
aleyhi va səlləmin ümmətindən bir çox kimsəni də, Kitab və Sünnətdən
uzaqlaşdırmışdır.”
Hiç yorum yok:
Yorum Gönder