Təqva Əhli Olmanın Yolları!

     Bir adam Əbu Hureyrə radiyallahu anha; “Təqva nədir?” deyə sual verdi. Əbu Hureyrə radiyallahu anh; “Tikanlı bir yola girsən nə edərsən?” dedi. Adam; “Tikanı görüncə ya yanından keçərəm, ya üstündən atlanaram, ya da geri qayıdaram.” dedi. Əbu Hureyrə radiyallahu anh; “Bax təqva elə budur!” dedi. [Beyhəqi, Kitabuz Zühd (208)]

   Talk b. Həbib rahiməhullah belə dedi; “Bir fitnə ortaya çıxınca, bunu təqva ilə söndürün.” Bunun üzərinə onu dinləyənlər; “Təqva nədir?” deyə soruşdular. Buna belə cavab verdi; “Allahın göstərdiyi şəkildə bilərək Allaha itaət etmək, Allahın savabını umaraq və bilərək Allaha itaət etmək, günah olan əməlləri bilərək və Allahın əzabından qorxaraq tərk etməkdir.” [İbn Əbi Şeybə, Kitabul İman (s. 99)]

   Ömər radiyallahu anh belə dedi; “Möminin kərəmi təqvasıdır.” [Muvatta (Cihad 35)]

   Rasulullah səllallahu aleyhi va səlləm belə buyurmuşdur; “İnsanın cənnətə girməsinə ən çox səbəb olan şey, onun Allaha qarşı duyduğu təqvasıdır.” [Əhməd, Musnəd (2/392, 442)]

   Rasulullah səllallahu aleyhi va səlləm belə buyurmuşdur; “Ərəbin ərəb olmayana heç bir üstünlüyü yoxdur. Üstünlük ancaq təqva ilədir.” [Əhməd, Müsnəd (5/410]

   Rasulullah səllallahu aleyhi va səlləm belə buyurmuşdur; “Allaha qarşı təqva sahibi olmağınızı tövsiyyə edirəm.” [Əbu Davud, Sünən (5); Tirmizi (Elm 16)]

   İbn Ömər radiyallahu anhuma belə dedi; “Qul könlündəki şübhə verən şeyləri tamamiylə tərk etmədikcə həqiqi təqvaya çata bilməz.” [Buxari (İman, 1)]

   Rasulullah səllallahu aleyhi va səlləm belə buyurmuşdur; “Qul zərərli şeylərə düşmə narahatlığı ilə zərəri olmayan şeyləri də tərk etmədikcə həqiqi müttəqilərin dərəcəsinə çata bilməz.” [Tirmizi (Qiyamət 19)]; İbn Macə (Zühd 24)]

   Rasulullah səllallahu aleyhi va səlləm belə buyurdu; “Allahım! Nəfsimə təqvasını ver və onu təzkiyə et! Sən onu ənRasulullah səllallahu aleyhi va səlləm yaxşı təzkiyə edənsən.” [Muslim (Zikr 73, 2722)]

   Bir kimsə İsa aleyhissələmin yanına gələrək; “Ey xeyir və yaxşılıqların müəllimi! Bir qul, Allahu Təalaya qarşı necə təqva sahibi ola bilər.” deyə sual verdi. İsa aleyhissələm belə cavab verdi; “Bu asan bir işdir; Allahu Təalanı bütün qəlbinlə haqqıyla sevərsən, Onun razılığı üçün gücün çatdığı qədər saleh əməl edərsən, bütün adəm oğullarına da özünə etdiyin şəkildə şəfqət və mərhəmət göstərərsən.” Sonra da belə dedi; “ Sənə edilməsini istəmədiyin bir şeyi, sən də başqasına etmə! O zaman Allaha qarşı haqqıyla təqva sahibi olarsan!” [Əhməd, Əz Zühd (s. 59)]

   Əbu Zərr radiyallahu anh deyir ki; “Rasulullah səllallahu aleyhi va səlləm bir gün belə buyurmuşdur; “Mən bir ayə bilirəm. Əgər insanlar ondan yapışsalar hamısına bəs edər” Əshabı; “Ey Allahın Rasulu! Bu hansı ayədir?” dedilər. Allah Rasulu da bu ayəni oxudu; “Allahdan qorxana (Təqva sahibi olana), Allah çıxış yolu göstərər” {Talaq 2}  [İbn Macə, Zühd (24)]