Nəyə Dəvət Edirik?

Məqalə sahibi; Əbu Muaz Seyfullah

Tərcümə; Darul İttiba

1.   Biz Allaha, isimlərinə və sifətlərinə Allahın Kitabında və Nəbimiz Muhəmməd səllallahu aleyhi va səlləmin sünnətində bəhs edildiyi kimi təhrifsiz (pozmadan), təvilsiz (məcazi məna vermədən), təmsilsiz, təşbehsiz (məxluqata bənzətmədən) və Tətilsiz (inkar etmədən) inanırıq.

2.   Biz nəbimiz Muhəmməd səllallahu aleyhi va səlləmin əshabını sevərik və onların əleyhlərində danışanlara da nifrət edərik. Biz inanırıq ki, onlar haqqında pis danışanlar din haqqında da pis danışmış sayılır. Çünki sahabə bizə dini öyrədəndir. Və biz Nəbi səllallahu aleyhi va səlləmin əhli beytini də şəriətin qoyduğu ölçüdə bir sevgiylə sevərik.

3.   Biz Hədis Əhli olan insanları və Əhli Sünnədən olan bu ümmətin hər sələfini də sevərik.

4.   Biz Kəlam elmindən həzz almaz və kəlam elmini ümmətin bölünməsinin ən böyük səbəblərinin arasında görərik.

5.   Biz Allah və ya Rasulu tərəfindən təsdiq edilmədiyi müddətcə heç bir fiqh kitabından, Təfsir kitabından, keçmiş hekayələrdən və ya Nəbi səllallahu aleyhi va səlləmin sirasından (zəif olaraq nəql edildiyi üçün) heç bir şeyi qəbul etmərik. Burada onları rədd etdiyimiz, ya da onlara ehtiyacımızın olmadığını qəsd etmirik. Qəsd edilən alimlərimizin araşdırmalarından və əsərlərindən yararlanmamızın şərtə bağlı olduğu və bu şərtdə hökmün səhih bir dəlilə sahibliyidir.

6.   Qurandan və ya səhih və güvənilən hədislərdən nümunələr  vermədən kitablarımızı yazmaz, söhbət və xütbələrimizi vermərik. Və bir çox kitabdan və nəsihət edənlərdən yayılan uydurma hekayələri, xürafələri və zəif və ya uydurma hədisləri sevmərik.

7.    Biz heç bir müsəlmanı Allaha şərik qoşmaq, namazın tərki və yadin dəyişdirməsi xaricində heç bir günahından dolayı təkfir etmərik.

8.   Biz quranın Allahın Kəlamı olduğuna inanarıq, Quran yaradılmamışdır.

9.   Biz Uca Allaha dəvətdə, Ona ibadətdə səmimiyyətdə, şirkdən, bidətlərdən və Ona itaətsizlikdən çəkindirməkdə və bunlara qarşı olan bütün qruplara və camaatlara nəsihətdə Kitab, Sünnə və ümmətin sələfinin üzərinə olduğu yolda bir mənhəcə sahib olan qruplarla birlikdə olmaq məcburiyyətində olduğumuza inanırıq. Bu birliyi təqva və yaxşılıq üzərinə olmaq və lazım gəldikdə pisliyə və yalnışa və pis və fəsad insanlarla birliyə qarşı qarşılıqlı tövsiyyə etməkdədir.

10.      Biz müsəlman dövlət başçılarına müsəlman olduqları müddətcə üsyan etmənin doğru olduğunu düşünmürük və qiyamın sülh və uzlaşmanı gətirəcəyinə inanmırıq. Bu cür hadisələrin və səylərin tam tərsinə cəmiyyəti pozduğunu düşünürük.

11.       Biz günümüzdəki partiyaların və qrupların çoxunun müsəlmanların ayrılığının və onların zəifliyinin səbəbi olduğunu düşünürük. Buna görə də məqsədimiz insanları düşüncələrindəki kor koruna təqlid çağırışlarından, məzhəbçilik qaranlığından və qruplaşma ruhundan qurtarmaqdır.

12.      Allahın Kitabını və Rasulullah səllallahu aleyhi va səlləmin sünnətini anlamaqda ölçümüz hədis alimlərindən olan bu ümmətin sələfinin anlayışıdır, müəyyən şəxsiyyətlərin kor təqibçiliyi deyildir. Biz haqqı haradan gəlirsə gəlsin alarıq. Və bilirik ki, cəmiyyətə Allahın qadağan etdiklərini gətirmələrinə baxmayaraq, Sələfi təqib etdiyini iddia edənlərdən Sələfilik bəridir. Biz gənc nəsli bütün bu bəhs etdiklərimizdən təmizlənmiş şəkildə İslam üzərinə yetişdirməyin onlara əvvəldən etibarən inancsız qərb təhsilinin təsirlərindən uzaq, doğru İslami təhsil verməkdən keçdiyinə inanırıq.

13.      Biz siyasətin dinin bir parçası olduğuna inanırıq və kim siyasəti dindən ayırmağa çalışırsa, o dini pozmağa çalışır və fitnə yaymağa çalışır.

14.      Biz müsəlmanların Allahın Kitabına və Rasulunun sünnətinə dönmədikcə heç bir zəfərə və ya şərəfə sahib ola bilməyəcəyinə inanırıq.

15.      Biz dini bəzi xüsusları vacib, bəzilərini lazımsız deyə ayıranlara qarşıyıq. Və bizə görə bu çox təhlükəli və həlak edici yoldur.

16.      Biz Sünnənin elmini dəyərsiz görən və ona dəyər verməyib bunun zamanı olmadığını iddia edənlərə qarşıyıq. Eyni şəkildə Peyğəmbərimizin Sünnəsini yaşamağı kiçik görənlərə və dəyər verməyənlər də qarşıyıq.

17.      Bizim dəvətimiz və əqidəmiz bizə özümüzdən, malımızdan və övladımızdan daha sevimlidir. Bu səbəblədir ki, bir gümüş və ya qızıl qarşılığında dəvətimiz və əqidəmizdən dönmərik. Biz deyərik ki, heç kim bizim dəvətimizi dirhəm və dinar qarşılığında almaq üçün boş yerə ümidlənməsin.

18.      Biz Sünnəni təqib edən günümüz alimlərini sevərik və onlardan faydalanmağa çalışarıq və onların vəfat etməsinə görə çox kədərlənərik.

19.      Allahın Kitabı və Onun Rasulunun Sünnətindən dəlili olmadığı müddətcə heç bir fətvanı qəbul etmərik.

  Budur, bunlar bizim əqidəmizə və dəvətimizə qısa bir baxış idi. İndi əgər kim buna qarşıdırsa, o zaman biz haqq olan nəsihəti almağa və əgər yalnışdırsa onu rədd etməyə və əgər inadçı bir şəkildə bizə qarşı dayanarsa, ondan imtina etməyə hazırıq və Allah ən yaxşı biləndir.

  [ Bu açıqlama Şeyx Muqbil b. Hadinin “Tərcumətu Əbi Abdirrahmən Muqbil Hədi əl Vadi” (s. 135-142) kitabından tərtib edilmişdir.]