Dəyyusluq!

   İbn Ömər radiyallahu anhumadan; Rasulullah səllallahu aleyhi va səlləm belə buyurdu; “Üç sinif insana Allaha Cənnəti haram etmişdir; İçki mübtəlası, ata-anasına pislik edən və ailəsində fuhşa göz yuman dəyyus.” [Səhih. Əhməd (2/69, 128); Nəsai (2562); Bəzzar (2/258, 12/269); Təbərani (12/302); Ziya, əl Muxtarə (1/308); Beyhəqi (10/226); Hakim (1/144); Əbu Yala (9/408)]

   Dəyyusluğun çağımızdakı bir nümunəsi də evdən bir qadının və ya qızın, naməhrəm bir kişiylə telefonlaşıb, qarşılıqlı danışmalarına göz yummaqdır. Evindəki qadınların birinin (məhrəmi olmayan) naməhrəm bir kişiylə tənha qalmasına razı olmaqdır. Ayrıca, ailəsindən bir qadının tək başına- sürücü və b.- bir naməhrəmlə maşına minməsinə izn vermək və şəri təsəttürləri olmadan çölə çıxmalarına, gəlib keçənin onları seyr etməsinə razı olmaqdır. Pislik və həyasızlıq yayan jurnal və filmləri gətirib bunları evə salmaqdır.

   Əli b. Əbi Talib radiyallahu anh, qadınlar ilə kişilərin qarışmasına qarşı çıxaraq belə demişdir; “Heç utanmırsınızmı? Heç qısqanmırsınızmı? Eşitdiyimə görə qadınlarınız bazarlara çıxır və insanlara arasına qarışırmış! Qısqanmayanda xeyir yoxdur.” [Həsən. Əhməd (1/133); İbnul Cevzi, Əhkamun Nisa (s. 110); Bəğavi, Şərhus Sunnə (9/270); İbnul Əsir, ən Nihayə (3/286); Rustəhdən; Kənzul Ummal (8735)]